結婚用品展

好多人結婚前都會去下同結婚有關的展覽，一般都唔需要太刻意去搵呢d展覽，因為一年內總會有好多呢類展覽。

但作為消費者，去呢d展覽一定要厚面皮。原因好簡單，呢d 展覽一年咁多場，間間參展鬳商都係真金白銀咁俾大會，佢地一定要開番一定數量的單先回本啦，所以d sales會超主動搵客，面皮唔夠厚，唔易就俾佢地sell到。

咁多類型的公司中，以外地的婚紗攝影最主動 (直接d咁講應該叫做煩)，台灣來的，通常會企係你前面，跟住講句"您好，我是攝影師"開頭，如果你望多佢幾眼，佢就會吊住你尾，不停係度講。第二類會係深圳的婚紗攝影，又係話影出泥d相好靚，唔會有大陸feel咁，係唔係咁就要大家自己睇下啦。

之前講到d 人會勁sell大家，只要記住一日唔俾張信用咭佢地，你地都可以起身再問多幾間，係傾價錢時，佢地都會話送呢樣送果樣，大家諗清楚先好決定，因為有時佢地送的野唔一定有用，叫佢平d可以仲實際。

有時大家可以視個展會係一個格價地方好d，唔好俾佢地個展銷價騙到，因為同出面的價錢差唔多。最重要都係睇多幾間，同咩都問一餐，帶多個朋友去都冇防。