婚禮攝影、化妝、租衫、租車

準備婚禮時，其中一個比較頭痛的時間就係點安排攝影、化妝同租衫。如果大家有行過金都商場的話，都會發現內裡大部份的公司都是提供呢類形的服務，花多眼亂，一起手都很難比較。

首先要預計自己需要d乜野服務，咁租車咪租車lo，又要諗d咩野呢??雖然話係租車，但係要諗下租幾長時間，租幾多架車。租私家車係用泥接娘gei，小巴就係載其他親戚同兄弟姐妹，時間方便就由三小時至全日不等。其中一個慳錢方法係約個司機係女家等，時間就係剛好接到新娘開始，咁就大約可以坐到三程，(到男家，回門，去註冊)。記住唔好去咁多冇free parking的地方，因為停車埸費用係另計的。

跟住到攝影，一個影相，一個video就一定要有gala，仲有係要包起佢地成日的，video方面就要睇多d 鋪入面的demo片，不過間間都差唔多的。影相都差唔多，係要諗下要菲林相定數碼相，菲林相就逐筒菲林同你計，仲要哂所有相出泥的cst。數碼相就收你一個價，影到幾多都會照俾番個soft copy你。數碼相就會方便好多，就咁放上網，大家都睇得，揀到靚先哂俾朋友，唔會浪費。

化妝呢一part就真係要小心d ，呢個真係好睇個化妝師的功力，所以冇得貪平，通常呢d公司個門口會有相簿，影左d "整容前，整容後"的相做比較，單睇本相簿的話，會覺得個個都化得好好，豬扒變靚女，但係仔細d睇又唔一定係的，咁點算好呢?個貼士係要俾d職員sell下佢自己，有heart 果d 化妝師會講多d佢地用左咩方法去化靚個新娘，差果d就只係識得彈其他人。

化妝的收費就真係千變萬化，分"早、晚各一次"、"早一次、全晚多次"，"全日多次"，呢度講的都只係新娘化妝，如果仲有d 新奶奶，新外母想化妝，就要再計清楚d，唔好去到最後幾日先同佢地傾呀。

以上三個服務都可能會有加班費的，如果出門係擇左時辰，好早就出門的話，咁就要收加班費，一般八點半前叫做加班，每早一個小時就收一個價錢，約$150/hr。

最後就租衫啦，呢個最簡單，諗清楚要幾多件衫，睇下d相，男女仔相都最好揀d 浮誇d ，影相出泥會靚好多。

揀結婚相

揀結婚相真係一個好大的學問 ，因為如果揀得多過個package的數目，會逐張計錢，基本收費如下:

一張相 約$150

數碼相底 (即係個jpeg file) 約$50

相簿(廿張相一本) 約$300

如果多加一本相簿，就最少要($150+$50)x20 + $300 = $4300。

呢個數差唔多可以影多一次十張相的package gala。

一般影一日會有成幾百張 相，但係個plan都係得二十 或四十張相，點樣由幾百張相揀咁少相出泥呢?

最重要係自己要有個目標的 數目先。假如個plan 係四十 張，咁當日可能會預加錢加 多二十張，點解會咁泥? 因 為影相當日，攝影師大概會 知道要拍幾多個場景，一個 場景會有一至兩張相會被揀 中，所以如果你個package係 包二十張相，咁佢地就會同 你拍十五、六個場景到，會 被揀中的相可能係三十多張 ，到最後咪加錢買多十幾張 相lo。

d sales會一齊逐張相睇一次 先gei，會將d影得太差的相 揀走先，而呢次揀相時，d sales通常都好幫大家咁掦走 d相，會有個錯覺佢地真係幫 大家慳咁gei。

到第二round時，會再睇一次 留低的相，其實去到呢度時 ，一般的人都會覺得張張都 好靚，好想keep，呢個時候 個sales就會開始發功，又話 "呢張靚"，果張"好特別"，" 唔買的話以前都睇唔番張相" ，"呢個景得番呢一張jar喎 ，一定會keep 番張啦"，"睇 下呢張幾甜"。會講好多好多 呢d野，令到你唔知應唔應該 keep d 相，去到呢round唔 好太理個sales講咩野。

相入面的內容都要留意，要配合番放去咩size的相簿，幾大的油畫等。

最簡單就係大相簿時人要細，細相簿時人要大。油畫就個人喜好啦，兩公婆都係靚仔靚女咪大頭d lo，對自己冇咩信心的，咪細頭d lo。

至於近年好流行的易拉架，就要搵d兩個人都好近的，全身的相，我當時就用左張背對背的相，兩個人背對背企，剛剛好係個又窄又高的長方形，同個易拉架一樣形狀。

以下係我自己的少少意見。

1. 搵個鍾意影相的，影過結婚相的朋友一齊睇，最好係男仕 (識得photoshop的會更好，等d sales唔會亂俾意見 )

2. 唔一定個個場景都要keep一張，合心水先至留低

3. 去之前，定個target俾自己，一定唔可以多個呢個揀相的目標

4. 有要求的話一定要提出，唔好俾個sales帶住你揀野

影結婚相

結婚這回事真的很特別，結婚的年青人會覺得這是兩個人的事。最初準備的過程，會諗得好浪漫，買下戒指，搵下邊問影結婚相靚d，要影到白馬王子同公主咁。又或者會諗到去邊度渡月，歐洲，日本，馬爾代夫。最靚最美的想法一個一個的浮現。

但係，面對住咁多的事要做，的確唔係要幾長的時間先可以安排得妥妥當當。

今日就講講影結婚相言，呢d相通常分兩種，就係室內景同室外景，室外景又分做自家戶外佈景和一般公眾地方。影相公司就會有唔同的offer，有d只有室內，有d就只有室外，有d就可以安排哂兩種，聽落就真係頭都大哂，又分呢樣，又分果樣。所以最好諗下自己想要d咩野做背景。

香港有好多景都好靚，但係就唔一定o岩影結婚相。好似香港的街，車水馬龍，晚景崔燦，但係就一d都唔覺得浪漫，個人認為做結婚相背景就唔係咁好啦。

而我就揀左間叫"I do"gei公司，佢地都有間屋仔係九龍塘，係交通交匯處後面，地方細細，影下d 家庭相同畢業相的地方，結婚相就要到佢地個西貢匡湖居的對面，一大個私人花園。幾多千呎就唔係好記得，但係就有分室內同室外景，室內的景就有十幾個，叫做有唔同的feel，好似日式，教堂，古典等等，個個都有主題，唔會得幾塊板就一個景。

至於室外，就要一定要提下佢地的兩排樹，春夏秋冬，各有不同的感覺，而薰衣草只係秋天先有，揀時間影相要留意呢點，其他野就四季都差唔多的。

印象深d的o野就係一部壞的電單車看似陳舊，景出泥又唔錯，部車都成為一個賣點，通常男仔坐司機位，女仔坐後面，但係我就冇得玩，俾左老婆坐前面，我就坐後面，都幾攪笑gei，唔會咁悶lo。令外果度仲有個湖同艇，扮得幾natural ga。

由於全程都係o係個花園入面，婚紗可以揀有拖尾的，擺post就會好睇好多。

book時間影相都要留意，佢地公司一日最多會安排4對人影相，所以要問下邊日少人d先好book，如果唔係，等好耐先化到妝，影到陽光的機會就少左。講起陽光，大家都要留意下，個花園係有個山丘，下午三四點就唔會有陽光直射到室外景，所以人多時，要求出去影相先。

下次同大家講下揀相啦。