我諗大家都試過以自由行的方式去旅行，出發前，必定會訂好幾樣的東西，好似機票，第一二晚的房間等。
今日想同大家講下訂機票，以前買機票就會諗起旅行社，原因都不外乎價錢同方便，一坐低同sales講要去邊同幾時出發，佢地就會幫大家搵好航班，價錢同條款，有時仲可以提供旅行社的優惠。
但今時今日互聯網已十分普及，web2.0 令到用戶可以好specific咁search自己需要路線同時間，不論是單點或多點旅程，不論成人或小童，航空公司的網頁都能讓你一一輪入，再顯示不同航班供選擇。出發時間、轉機等候時間、到達時間、機種、機上娛樂都可以在買飛前格清楚，對消費者而言，格價會是其中一個重要環節，現在大多的航空公司都提供出發及回程前後五天的價格比較，對一些時間鬆動的朋友是一個大方便。
付款方面多通過信用咭，這一點在甘泉航空倒閉時顯示了一大優勢，原因是如收款人未能提供承諾的服務，銀行需要作出100%退款。至於旅行社方面，一般要求消費者用EPS或現金付款，出發前航空公司倒閉或收到機票前旅行社倒閉，只可以做第唔知幾多萬人後的債權人，得到賠償差唔多是零。
提出左咁多好處，咁係唔係以後買機票就上網買就最好呢? 咁又唔一定的，要視乎是哪間公司的網頁，以下是一些較好的網址。
亞洲航空 AirAsia
這是間廉價航空，所以票價是以單程計算，飛機餐及寄艙行李也要預訂。前往泰國及馬來西亞。
捷星航空 Jetstar Airways
這也是廉價航空，前往新加坡，印尼及澳洲。
新加坡航空 Singapore Airlines
可選飛機餐，海鮮餐唔錯哦!!可留意有無A380航班
阿聯酋航空 Emirates
可留意有無A380航班。較多歐洲航線選擇
英國航空 British Airways
要留意的網頁
國泰航空 Cathay Pacific
以直航做賣點，所以票價較貴， 而香港出發的機票又往往較其他地方來港貴。提供的優惠通常都冇位或只得星期三出發，而且網頁上的價錢不算特別化算。
如果都是鍾情旅行社的話，可以先上這些網頁了解機票的價格，再到各間旅行社查詢。
No comments:
Post a Comment