而收費放面部部機都有唔同的，通常分全日收費同最低收費，最低收費可以係15分鐘，或30分鐘，所以要查下字典，睇清楚點計。而機上通常有四個制，係「➕➖✅❎」，➕➖係畀用儲值卡用，我地做遊客就應該用唔到，要用時就先入硬幣，螢幕會顯示最後泊車時間，唔夠的話就繼續入，到顯示的時間到你想要的時間後就可以㩒✅，咁部機就會出飛仔，記住部機係唔會找錢的，所以要留番啲面值細的硬幣最後入。
另外有啲唔多人用的位會無咪錶買飛的，需要出示一張「parking disc」，張紙可以問租車公司攞，或者到超市報紙檔買，好似係一至兩蚊歐羅，要將個指針對住離開車的時間，以半小時計，如果的1:15離開，就轉到去1:30，咁就可以泊兩個鐘，即係3:30前要番到車上。
