7.1 上街

今年係我第二次上街，上一次已係2003年的7.1，咁多年來無上街係因為之後換左個政府，冇理因唔俾時間佢地去推行佢地的政策，大家可以見到公務員推行五天工作，一瞬間就能實行了。但經過左咁多年，只係見到一年比一年差，惡行多多，是時候為自己的社會做點事。

遊行人數年年都成為社會關注的焦點，今年也不例外，但係有無可能會數得準呢? 以我個人為例，很想從維園出發，俾低能警察數下個人頭，再走完全程。

但實情又係唔係咁理想? 一走進維園，人頭湧湧，走到去個球場等出發，但係個無遮擋的球場企一分鐘都覺得太耐，所以行左去個緩跑徑的樹蔭下等候，但到三點半開始後的十五分鐘，從没有起行的跡象，再走到球場上看看，大家都只是乾曬，心想再等也不知等到何時，只好到外面的馬路插隊，原來外面的情況也不比維園好多少，個個交通燈前都要停低等車過、等人過，所以花了個多小時才到灣仔，我亦離開了遊行隊伍。

如果話警察可以好專業咁維持秩序，例不如話香港人有無限的忍耐力，這班白痴警察不停阻住遊行人士前進，令遊行人士停留係馬路上的時間延長，間接不能令交通回復正常，這是遊行人士的錯，還是警察的錯? 過了今年的7.1，反對警察加薪的聲音必定會更響更亮。

反正遊行的人數是各說各話，那就不要再花太多時間去處理呢件事。下次的遊行，應該呼籲参加者在銅鑼灣的馬路加入就好了，唔好再辛苦參加者。