Club Med Kani Maldives 馬爾代夫 - Booking訂房

Travel Period : 24th March 2012 - 28th March 2012

就由Booking開始講起今次的馬爾代夫之旅，我同太太結婚兩年了，小孩子又六個月大，就同太太相量過多一次蜜月旅行，仔仔就留係屋企了。結婚時去了歐洲三個星期，今次就選了另一熱點 - 馬爾代夫。

早知道馬爾代夫得兩種事情做，一是百無了賴曬太陽，二是水上活動，行街SHOPPING就唔會有的，所有選了CLUBMED，她的全包假期概念就滿足哂馬爾代夫的環境。

馬爾代夫CLUBMED的package係6日4夜，價錢有分包機票同唔包機票，而包機票的價錢又未包括機場稅，燃油費等，唔同的出發日子都會唔同價，所以要到CLUBMED網頁睇清楚。PACKAGE又有分三種唔同的房，最平的Beach Villa, 中價的Superior Room到最貴的Lagoon Suite(俗稱水上屋)。最平同最貴的房可相差五六千港元一個人。就算同一間房，唔同日子都可以差超過一萬港元一個人。

如果是新婚渡蜜月，仲有送簡單SPA。

而PACKAGE包的機票是最平等級的ECONOMY CLASS，如果賣哂，又要再加錢UPGRADE張ECONOMY CLASS去貴啲的ECONOMY CLASS機票(至少又加多HKD1000一個人)，所以選出發日子是很重要的。而航空公司有馬來西亞航空同新加坡航空(但係到寫BLOG時只有新加坡航空)，即是要在吉隆坡或新加坡轉機了。


由於太太堅持要住最貴的Lagoon Suite，曾經因為價錢太貴(約HKD23000/head，未包所有surcharge)而想轉去日本，隔了約一個月，見到CLUBMED出左PROMOTION，一個人的價機減到HKD18840/head，所以就決定豪番次，我BOOK的時候係2012年1月左右，公司請假又易，我就先選最平的日子，再找最平機位的日子，及回程時停吉隆坡三天，所以要多付吉隆坡機場稅。





(Clubmed 圖片)

出發前的支出是
Clubmed Lagoon Suite Package HKD18840 x 2
Clubmed Membership                HKD240 x 2
Surcharge + Airport Tax             HKD2515 x 2
Total                                            HKD43190

所以要Join Clubmed就最好多預時間等優惠，唔好急於一時而book了貴PACKAGE，因為BOOK得平同BOOK得貴，CLUBMED都係俾番一樣的服務。

LED射燈

因屋企在買入後在幾處地方裝了射燈，但傳統射燈用電量高，又發出大量熱力，所以咁多年來都冇乜點用過d射燈。
早排就開始去搵LED射燈，發現售賣的地方很少，選擇就更少，有牌子的有萬佳美，東芝同奧的亮。係深水土步就仲會見到好多冇牌子的LED射燈。
大部份射燈的功率都在3.5W 至7W左右，但唔好睇少呢幾Watt，開耐左，個散熱罩都好熱下，但比傳統的好好多，至少唔會燙傷。

如果佩上傳統射燈，就要搵MR16規格的，尺寸大約係燈罩直徑50mm，電極距離6mm，電壓係12V AC/DC，亦即是要有火牛變壓先可以，而呢隻火牛對能否轉用LED射燈係好重要的，
以兩盞傳統射燈為例，總功率大約係35W x 2 = 70W，電流大約係70W/12V = 5.8A，
而LED的功率3.5W x 2 = 7W，電流大約係3.5W/12V=1.75A，
相差3倍多。有些火牛是用mutual induction的方法變壓，太弱的電流可能引至不穩定輸出，即係會閃得好勁同好暗，或者係完全冇光，而我就有一個射燈位有呢個問題而唔可以轉用LED。所以要試過先好大量買，否則就得物無所用，或者再花錢買新火牛。

價錢方面都差很遠，外國牌子的可以買到$150-$180一盞，香港牌子大約$100，無牌子的就好海鮮價，$30-$40又有，成 $100又有，但係就冇任何包裝或說明，本人都唔放心買。

我自己就係觀塘一間五金鋪買，奧的亮 3.5W 黃光$79 ，白光$89。暫時見到的缺點係光源太集中，行過燈下面會好唔舒服，所以要將燈射向牆身，用牆身反光出來，效果會柔和少少。

催生 BB - 仁安醫院

太太本來的預產期在六月三日，在第39週的檢查時，醫生安排左如果當日冇作動的話，都入院做一次胎監聽，即係在肚上放兩個sensor，一個check子宫收縮，一個check bb心跳，一次一個鐘，收500大元。

(圖中140係BB的心跳，34係子宮縮的程度，0-127,最高127，但係呢個數字只同個型號有關)

雖然睇到子宮有收縮，但不明顯，所以要番屋企繼續等。
再過多三日再上去做多次胎監聽，情況一樣，所以在第40周的檢查時，醫生約定在第41周催生，即6月10日。

所有在仁安醫院預約催生的本地孕婦會在早一日入院，我太太就係6月9日入院，在辦入院手續時要帶早前交了的按金單，職員會問入住的房間種類，一般所選的房間滿左﹐可免費升級，所以我地選普通房，最後入住雙人房，當然俾番普通房價錢啦。

仲有6月9 日係不另收費的，亦日不包括在順產套餐中的4日3夜中，可以話係免費。

為什麼要早一天入院呢，因為在12am時，會塞粒藥到子宮頸，令子宮頸放鬆。

到第二天(6月10日)，醫生8點鐘巡房，會檢查子宮頸情況及處方催生藥。9點多時，太太走路過去候產室，催生藥以打點滴形式流入身體。由於催生藥係引起子宫收縮的，所以生了bb都唔會拿走的，令生產過程完結後都可以幫助收縮。

開始落藥後，就不可以落床及飲食，大小便都在床上解決。而陣痛同時會開始，初時似M痛，可以輕易忍到，但兩個多鐘後就開始痛得要用止痛氣，即係笑氣(entonox)。

由9點幾到12點半呢段時間都有加快注入催生藥，護士亦把洋水刺穿，讓身體"意識"到要加快生產。但係一點時，bb的心跳在陣痛期間不穏定，醫生把注入量減至最低，待bb心跳穏定後再加藥，但一等就2,3個鐘，而期間陣痛變得不定時，但痛楚程度就更大，到三點多，太太要求打止痛針，打了後，成個人開始有d迷迷糊糊，而明顯睇到佢係好痛，但護士檢查後話只開了2度，即還有漫長的路程。及後護士重新加藥。

到差不多8點，太太痛到氣力都所餘無幾時，佢再要求護士檢查，有好消息啦，因為開到8度，這時己痛了超過10個鐘，可以轉到產房了。入左產房都仲要再等開到10度，這時的痛應該係最勁，因為吸笑氣都痛到成身不停震料，幸好只多痛十多分鐘，助產士話可以用力生，試左近30分鐘，才見到bb的頭髮，但係太太一次比一次更無力，只停在呢個位置，到下午9點15分左右，醫生到了，睇左太太用力兩次，就覺得太太唔夠力，就建議用吸盤。

醫生佢地用左5分鐘set好所以野，再把吸盤放到bb頭頂，即係塞左吸盤入去，到陣痛時，醫生就叫太太用力，醫生把bb拉出泥，一下就大bb的頭拉左出泥，護士立即用喉吸了bb鼻同口的洋水抽出，再下一次陣痛時，整個bb都拉了出來，前後就用左12個鐘。

醫生繼續處理胎盤同傷口，我就去了bb身邊，準備把過長的臍帶剪去，同一時間，太太由超辛苦的狀態回覆到平靜狀態，還可以有講有笑，拍照做鬼臉tim。

選民力量在做甚麼

早一陣子在報紙上看到一個新的組織，名叫選民力量，但組織內的核心成員就一點都不陌生，如報導中提到的「星屑醫生」歐陽英傑、袁彌明、人網監察林雨陽、「快咇」、「慢咇」、「維園阿哥」任亮憲等人馬，人氣最旺的必數任亮憲，在城市論壇發表尖銳言論而成名。

這個組織表明追擊民主黨，因在政改方案上，民主黨支持區議會方案，而要求「票債票償」，派出有名氣的成員與有民主黨黨員參加的選區作出挑戰，令不滿的選民有一個新選擇。

聽起來真的很動聽，至少他們也為香港的政治活動多點生氣，但是選民選擇候選人時，要看的是理念，往績，對新一屆任期的抱負，政綱等，單單提出「民主黨出賣民主」，要「票債票償」，就想選民投你一票，未免太過天真了。選民力量做過甚麼，筆者從電視，報張見了不少，如在城市論壇發表言論，到特首的「起錨活動」中「踩場」，意圖衝進民主黨的黨慶場地抗議等等。

從種種的活動中，所做的只為挑戰別人所做的，批評別人所做的，謾罵別人所做的，但是我未能在你們身上看到你們為香港所建設的。

舉個例子，媽媽每個月都會給較年長的哥哥零用錢，年幻的弟弟還没有。有一天，哥哥給媽媽知道他做了媽媽不喜歡的事情而要受罰，哥哥要少收下個月的零用錢，難道媽媽就會把少發給哥哥的零用錢轉發給弟弟嗎?

既然你們要在民主黨的身上拿到好處，要給已經對民主黨失望的人多一個選擇，那就讓選民看到你們比民主黨優勝的地方吧!否則他們不到票站就可以了，没有必要多一個「選民力量」。