今次講下Clubmed入面的膳食,係島上Clubmed係包哂三餐
住Superior Room 同Beach Villa係餐廳食自助早餐,但係我冇食過,所以唔多講。
住Lagoon Suite的朋友就可Enjoy Room Service的早餐,要記住只係早餐哦。基本上執房的靚仔日日都會放一張早餐紙係房,夜晚填好再放係門外信箱就會有人收。
早餐紙唔係咁易填,首先填1人定2人,1人的話,所選的食物只提供一份,2人的話就兩份,如果有些食物大家想食,有些又唔係,咁就要自己加REMARK。
至於食物呢,我就建議西式會好啲,即係薯餅,煙肉之類,而煎蛋會係必選,麵包都可以點一份,兩份就一定食唔哂的。
我喺其中一日選了亞洲早餐,有粥,有湯飯,外觀還可,但係超難食,可以話係用冷飯做的,試過一次,後悔一世,希望大家去的時候,唔再係呢個廚師。
至於午餐同晚餐,都係出番去碼頭邊的餐廳,都係自助餐,同樣亞洲食物都係超差,中國菜就只係得個咸字,日本菜有時煮肉,但就係醬油煮肉,無香味的,有陣時都有Sushi,但係佢地個包法好怪,會先用浸軟左的米紙做底,上面放紫菜,再加飯同吞拿魚,卷出泥係超"林"哂,唔好食的,可能呢個係西式的包法,鬼佬可能唔覺有咩問題,但就唔多見日本人排隊等。
![](https://blogger.googleusercontent.com/img/b/R29vZ2xl/AVvXsEh5V_M26Lm3lupEFi2NPODnhEuhQOnV5wZ5iSRzwiPwOvxaa4ARg3P9U0IT0RhvICe8RGDb1Ej9NFsMGSgquk9ECU-yyNH7twXxVILXZ8wND8-QEGV6dL-jz3jiElbkD6MarA19yGX4fNrA/s320/IMG_7077.JPG) |
海南雞飯,但係有形無實 |
![](https://blogger.googleusercontent.com/img/b/R29vZ2xl/AVvXsEj647NdJ1KUJ58b2dZS4G36JSNGBITepB-PfI0to6w3gfpilFpon_XhqBGCUv9YJmjaLjQhHbGZnvPeIMgATf0ZwnL9Ll5b-nY0hltssu0AKREd0RaDdlT_88R5xp_loxgJiF85x3nMmDRG/s320/IMG_6843.JPG) |
中式炸醬麵,除左咸味,就乜都食唔到 |
![](https://blogger.googleusercontent.com/img/b/R29vZ2xl/AVvXsEhf0nPPovADNTfWJFhsOwf31ulsEB1HejbdSNN9pGIKE43SUOaGI_DjsSCPcxONXMgwiNeb-UmupgZOMV3Yzl03D-SHhbQXVXcs6fbHc9BlvHlmC3Rj0yLn0-l1lZsKLhjiwxRk0YKXwval/s320/IMG_7084.JPG) |
這款係好咸的蔬菜湯加辣椒,但係就寫上"冬蔭公湯"的名 |
中式同日式都唔好的話,咁仲有咩好食呢,就係西式意粉同印度咖哩比較好,西廚做的汁好香,仲有就係佢好俾心機煮,而佢都好想大家用心去食,咁講係因為有個大陸人夾左一碟白汁硯肉意粉,之後想去加茄汁一齊食,個鬼佬西廚唔俾佢加,咁個大陸人俾佢嚇走左,鬼佬就好激氣咁同我講邊有人咁食GA,攪到我只可以答佢呢個係中式食法。除左意粉,其他都係以魚為主的菜式,一塊魚柳就已經能食飽一個男人,因為呢度的魚條條都幾呎長,點切都係好大塊。
![](https://blogger.googleusercontent.com/img/b/R29vZ2xl/AVvXsEgJvRRmyN4FE5_dDXHpeMfDyKzszaBvxqmRGdHn8dvOfZ_DEy-mx9oZdDFbu_HdKFtlJeoISf11-LYO7iA0g3reemFxjX7JbQKMYSSnWuR62KaEEtQUWJMdM3L5YUw_X_WYAPTP_jNmVbst/s320/IMG_3709.JPG) |
有時會有特別的飲品招待,午晚餐有紅酒白酒無限供應 |
![](https://blogger.googleusercontent.com/img/b/R29vZ2xl/AVvXsEgq4VWexzWN2fk320qwc4iAk7y-9Ppf0PvIYHYGzfzTnUGpKqRctJvq_HAuFnUuTpSy4YVx5C9YfkyHI7u7q3LMUDnQGqDWI25zCrhJW3EwF8x2ne3SqXtqNHkGxi2xFozPUmNZx4Qq7nuc/s320/IMG_7076.JPG) |
左邊的係芝士粉,右邊的意大利粉好好食,好快就會得番個吉碟 |
![](https://blogger.googleusercontent.com/img/b/R29vZ2xl/AVvXsEhgXp-5FNKdAjWj83YFXwqTG4YRux19wQB62Lhap_lUto-CQSD9fpvB9d0D3OVMWzLzfVugIwjbsMMRvvKAzzfRsjd0Qvfc_ne7NgoCsEiQfA3I_0z7_Iwl3XfH9SIOKJqEr8jTDs5s1sY7/s320/IMG_3710.JPG) |
日日都有唔同的裝飾品 |
餐廳環境唔差,但係就冇冷氣的,中午時份都幾熱,要多飲水同唔好食太辣的食物,咁就唔使食到流哂汗,晚餐時就試過係喺沙灘食,環境氣氛都很好,好有渡假FEEL,而唔係去普通餐廳食飯咁。
![](https://blogger.googleusercontent.com/img/b/R29vZ2xl/AVvXsEhzcXog8WIMD6LaBwsJ5HIg7vqWAat_RXlrYbcgz43tD5DJRLM0klpB_SgxhGucBxg83mFwzDg41rcBr3_Wh8QLpxGK32RO-tjnAoqvhDG4XKPFhFNU7PFz0oo_PPw03lV8sCw28gYhIMz6/s320/IMG_6715.JPG) |
沙灘晚餐時,GO有唔同的打扮,增加氣氛 |
![](https://blogger.googleusercontent.com/img/b/R29vZ2xl/AVvXsEgtZ-uWliDgmMLSpc-sSLI2Wg910esH16StgoUhVmZQPw7xkKhd4EAjtL7XOrYx16Jrhhjj9iHDIByE6x-H71hbLiH0cQbxi3SGrPkSVYqP3_3nft4HS6L-cuLpPqfZM2pvA9hV-B5jNTyu/s320/IMG_6716.JPG) |
火腿山 |
![](https://blogger.googleusercontent.com/img/b/R29vZ2xl/AVvXsEhk9hoHFsnSTQUICFXLK-1otPJZUbT_Odo4WxlToycznHkyiOY18K5_LYDiKGZp7MTFWgyflzjtSEoregPIj3lsbDfr94L6cSZcwhmlPVAYhxm2X05xdxG_L3dHhLKou1VuFUcR9MymzJqt/s320/IMG_6718.JPG) |
最長的係劍魚,雖然係好新鮮,但係佢地唔會即日煮 |
![](https://blogger.googleusercontent.com/img/b/R29vZ2xl/AVvXsEikChv04dQy0yvlOHVEqII0IfAZnSPD-7dbOvneeHwLvqJ7lLGDUQjG42S0omHt-45ARbH7UCSh4m5XPkNwnHNBSW3g5_ggTal9HfebDzadr_6Ew_2sEnP4tSeEUqGagrP0ZcqtF27nRsG0/s320/IMG_6722.JPG) |
沙灘上的座位,員工花了一整個下午做擺設 |
Is there any wifi at club med kani?
ReplyDelete