24" 新缸 Ferplast Cayman 60 2009/07/17

今次呢個係小弟的第二個魚缸，第一個係AA的12"x6"的超細套缸，養左一年粗生的魚同草，d魚都有d過渡擠迫，所以買個大d，想試下養多d唔同的魚同草。

係今次個開缸儀式上面，呢個舊缸就好似d正常人捐血咁，將d水注入去新魚缸度，當然啦，呢個缸細到咁，只可以供應新缸1/20~1/30的水。係等而家d魚過到新缸都有自己d 味je。




至於新缸呢，又係一個套缸，主因係呀媽唔鍾意個魚缸散d 濕氣出泥，咁套缸個蓋就合佢心意啦。

個缸就係Ferplast Cayman 60，即係62.5cm x 34.5cm x 45.5cm ，total係75L，盛惠$1760，入面有兩支15w 光管，暖管同一個掛濾，雖然係咁多野，都只係用一個電掣。個地櫃係我呀爸做gei，俾番$1000蚊佢飲茶。未入水果時仲以為會照到坐梳化的人唔舒服，好采d水會反光，入左水後冇呢個問題。





左邊張相係放左一包9L ADA Soil的樣，前低後高，後面都成3吋幾高，所以都好夠。一開始加水時就用左舊魚缸d水，d泥自己就已經吸哂，其他的都係自來水，君自來水的話，我有個提議俾大家，如果大家個花灑頭係有類似按摩花灑的功能，可能轉做最大水力的mode，再開大個水掣，d水高速射落個盤時，可以將d氯氣打番出泥，用個鼻嗅下水面，都係feel到d氯氣味。我一直都係用呢個方法的，用左成年，d魚都冇事。至於加水落d泥時，用一個識浮的碟，個效果會好好多，初時以為CD係會浮的，點知唔識，所以係個CD底加個未開的濕紙巾頂住。我加滿哂成個缸都冇泥飛起﹐只係有泥中間的氣泡。


下個有張相係加哂水的樣，其實d水係好清的，係個相機影得唔好f，攪到好d好濁咁。最後一張就係開左過濾一晚同擦過缸身的相。好清ga。